الهاربة الثانيه
تعالي ابكذب الليله عليكي
تعالي وصدقيني
ابكتب حروفي
وأشرح ظروفي
وأشهر سيوفي
واحطك في جوفي تعاديني
تعالي بقولك
غدا حبك
كثر همك
كثر جرحك
كثر فرحك يسليني
تعالي
ابجمع دموعك
واسكن ضلوعك
واطبب جروحك
وأخلي الالم فيني
تعالي
ياغلاة النفس
ياأعذب همس
ياروح وحس
يابكره وأمس سكنتيني
تعالي
وانثري كل التعب
و كل العتب
وكل الكذب
تعالي وانثريني
تعالي
واجمعي عمري
وملل صبري
وكدرفكري
تعالي وأجمعيني
تعالي نقاسم
الليله سحرها
وهبة عطرها
ونتبع اثرها
وعند الصبح لاتتركيني
تعالي
ولو كنت انا خاين
مو كل الذهب باين
ولا كل الالم هاين
تعالي ولاتجافيني
تعالي ابعتذر
أناعن كل كذبي
مو عن شوقي وحبي
ولا احساس قلبي
ولا دمعات عيني
تعالي تراني
انا سيد جروحك
انا سرك وبوحك
انا فرحك ونوحك
تعالي على صدرك خذيني
تعالي اجمعيني
من الليالي السود
همسك الشعر وعطري العود
تعالي الليله بس
يـ العنود
ابكذب
تعالي وصدقيني
|
